Фаришталарнинг Аллоҳга итоат қилиши.

«Есланг, (ей Пайғамбар), Биз фаришталарга Одамга тазим қилинг, дейишимиз билан  саждага егилдилар. Фақат Иблис кибр ва ор қилиб — кофирлардан бўлди». Бақара сураси, 34- оят. Аллоҳ таоло фаришталарни инсондан олдин яратди ва ўзига итоат қилмоқни уларнинг табиати қилиб қўйди.

Аллоҳ инсонни яратмоқчи бўлганда, фаришталарга: “«Мен Ерда (Одамни) халифа қилмоқчиман”, – деди. Фаришталар: «Ерда бузғунчилик қиладиган, қонлар тўкадиган кимсани (халифа) қиласанми? Ҳолбуки, биз ҳамду сано айтиш билан Сени улуғлаймиз ва Сенинг номингни мудом пок тутамиз”, – дедилар.

Аллоҳ улар билмайдиган нарсани билишини хабар берди ва Одамга руҳ пуфлаган вақтда сажда қилишга буюрди. Фаришталар Аллоҳга итоат қилиб, Одамга еҳтиром билан  сажда қилдилар. Аллоҳга итоат қилмоқ фаришталарнинг табиатларидир. Улар Аллоҳнинг буйруғига осий бўлмайдилар ва ўзларига буюрилган нарсани бажарадилар.