Vafot etgan kishini kuzatuvchi farishtalar.

«U (Alloh) bandalari ustida g’olib bo’lgan zotdir. Ustingizga (qilgan amallaringizni) yodlab olguvchi farishtalarni elchi qilib yuborur. Qachonki birovingizga o’lim kelsa, elchilarimiz sustkashlik qilmagan hollarida uning jonini olurlar». Anom surasi 61- oyat.

Bir kuni Rosululloh -sallallohu alayhi vasallam- bir musulmonni janozasiga chiqdilar. Rosululloh -sallallohu alayhi va sallam-ga minib oling, deb bir ulov berishdi, Rosululloh sallallohu alayhi vasallam- minmadilar, janoza ortidan yayov ketdilar. Janozadan qaytayotganlarida esa ulovga minib oldilar.

Shunda sahobalar nega bunday qilganlarini so’rashdi. Rosululloh -sallallohu alayhi vasallam-: – «Farishtalar (piyoda) yurib ketayotgan edi. Farishtalar yurib ketayotgani sababli men ham yayov ketdim. Ular ketganlaridan keyin minib oldim», – dedilar. (Abu Dovud rivoyat qilgan). Yana bir kuni Rosululloh -sallallohu alayhi vasallam- janozaga chiqqan edilar. Ayrim kishilarning janoza ortidan ulovlarda ketayotganini ko’rib: «Hayo qilmaysizlarmi?! Allohning farishtalari yayov ketayapti-yu, sizlar bo’lsa markabga minib olgansizlar!» – dedilar. (Termiziy rivoyat qilgan).