Xush-xabar beruvchi farishtalar

Rosululloh -sallallohu alayhi vasallam- aytdilar: «Farishtalar nurdan yaratilgan, jinlar tutunsiz olovdan yaratilgan, odam esa sizlarga aytilgan narsadan (balchiq loydan) yaratilgan». (Muslim rivoyati). Alloh taolo Maryam -alayhas-salom-ga Zakariyo alayhis-salom-ni vakil qilib qo’ydi.

Har qachon Zakariyo Maryamning oldiga — hujraga kirganida uning huzurida bir rizq-nasiba ko’rardi.   «Ey Maryam, bu narsalar senga qayoqdan keldi?» — deb so’raganida (Maryam) javob qildi:  «Bular Olloh huzuridandir. Albatta Olloh O’zi istagan kishilarga behisob rizq berur». Shunda Zakariyo Parvardigoriga duo qilib dedi:  «Ey Robbim, menga ham O’z huzuringdan bir pokiza farzand ato et».

Zakariyo -alayhis-salom-ning yoshi katta, qariya edi, ayoli ham tug’mas edi. Alloh u kishining duolarini ijobat qilib, u kishiga xushxabar bermoq uchun farishtalarni yubordi. Alloh taolo quronda bu haqda bunday degan:  «Farishtalar unga nido qildilar: «(Ey Zakariyo), Alloh senga Allohning so’zini tasdiq etadigan, (o’z qavmiga) xoja bo’ladigan, (shahvatlardan o’zini) tiyadigan va solih payg’ambarlardan bo’ladigan Yahyo ismli farzand xushxabarini berur».